ਵਿਰਾਟ ਕੋਹਲੀ, ਕਿਸ਼ਨ ਅਤੇ ਗਿੱਲ ਨੂੰ ਅੱਗੇ ਖੇਡਣ ਦੇਣ ਲਈ ਹੇਠਾਂ ਖਿਸਕ ਸਕਦੇ ਹਨ
ਜੇਕਰ ਸ਼੍ਰੇਅਸ ਅਈਅਰ ਅਤੇ ਕੇਐੱਲ ਰਾਹੁਲ ਏਸ਼ੀਆ ਕੱਪ ਅਤੇ ਵਿਸ਼ਵ ਕੱਪ ਲਈ ਫਿੱਟ ਨਹੀਂ ਹੁੰਦੇ ਹਨ ਤਾਂ ਭਾਰਤ ਲਈ ਕੁਝ ਹੋਰ ਵਿਕਲਪ ਹਨ। ਖਬਰ ਹੈ ਕਿ ਵਿਰਾਟ ਕੋਹਲੀ, ਕਿਸ਼ਨ ਅਤੇ ਗਿੱਲ ਨੂੰ ਆਗੇ ਖੇਡਣ ਦੇਣ ਲਈ ਹੇਠਾਂ ਬੱਲੇਬਾਜ਼ੀ ਕਰ ਸਕਦੇ ਹਨ। ਇਸ ਗੱਲ ਤੇ ਅਟਕਲਾਂ ਜਾਰੀ ਹਨ ਕਿ ਕੀ ਕੇਐਲ ਰਾਹੁਲ ਅਤੇ ਸ਼੍ਰੇਅਸ ਅਈਅਰ ਏਸ਼ੀਆ ਕੱਪ 2023 ਲਈ ਫਿੱਟ ਹੋਣਗੇ?
ਜੇਕਰ ਉਹ ਫਿੱਟ ਨਹੀਂ ਹੁੰਦੇ ਤਾਂ ਕੀ ਉਨ੍ਹਾਂ ਨੂੰ ਵਿਸ਼ਵ ਕੱਪ ਲਈ ਸਿੱਧਾ ਹੀ ਲਿਆ ਜਾਵੇਗਾ? ਇੱਕ ਦਿਨ ਬਾਅਦ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਰਾਹੁਲ ਅਤੇ ਅਈਅਰ ਦੋਵੇਂ ਏਸ਼ੀਆ ਕੱਪ ਲਈ ਸ਼ੱਕੀ ਹਨ ਕਿਉਂਕਿ ਉਨ੍ਹਾਂ ਦਾ ਸਰੀਰ 50 ਓਵਰਾਂ ਦੇ ਕ੍ਰਿਕਟ ਲਈ ਪੂਰੀ ਤਰ੍ਹਾਂ ਫਿੱਟ ਨਹੀਂ ਹੋਇਆ ਹੈ। ਜਦ ਕਿ ਇਸ ਦੇ ਮੱਦੇਨਜ਼ਰ ਵਿਰਾਟ ਕੋਹਲੀ ਨੂੰ ਆਪਣੀ ਜਗ੍ਹਾਹਾ ਬਦਲਨੀ ਪਵੇਗੀ। ਭਾਵੇਂ ਕਿ ਕੇਐੱਲ ਰਾਹੁਲ ਉਹਨਾਂ ਦੇ ਅਭਿਆਸ ਕਰਦਿਆਂ ਦੇ ਵੀਡੀਓ ਵਾਇਰਲ ਹੋ ਰਹੇ ਸਨ। ਵੀਡਿਉ ਦਾ ਇਹ ਮਤਲਬ ਨਹੀਂ ਹੈ ਕਿ ਰਾਹੁਲ 50 ਓਵਰ ਖੇਡਣ ਲਈ ਫਿੱਟ ਹੈ ਪਰ ਇਸ ਨਾਲ ਪ੍ਰਸ਼ੰਸਕਾਂ ਨੂੰ ਲੰਬੇ ਸਮੇਂ ਤੋਂ ਸੱਟ ਤੋਂ ਬਾਅਦ ਸੱਜੇ ਹੱਥ ਦੇ ਇਸ ਬੱਲੇਬਾਜ਼ ਦੀ ਭਾਰਤੀ ਟੀਮ ਵਿੱਚ ਵਾਪਸੀ ਕਰਨ ਦੀ ਉਮੀਦ ਜਾਗੀ ਹੈ।
ਆਈ.ਪੀ.ਐਲ 2023 ਵਿੱਚ ਰਾਇਲ ਚੈਲੰਜਰਜ਼ ਬੰਗਲੌਰ ਦੇ ਖਿਲਾਫ ਪੱਟ ਦੀ ਸੱਟ ਲੱਗਣ ਤੋਂ ਬਾਅਦ ਰਾਹੁਲ ਨੇ ਕੋਈ ਮੁਕਾਬਲਾ ਨਹੀਂ ਖੇਡਿਆ ਹੈ। ਉਸ ਨੂੰ ਲੰਡਨ ਵਿਚ ਸਰਜਰੀ ਵੀ ਕਰਵਾਉਣੀ ਪਈ ਸੀ ਅਤੇ ਉਸਨੇ ਕੁਝ ਹਫ਼ਤੇ ਪਹਿਲਾਂ ਹੀ ਨੈੱਟ ਤੇ ਬੱਲੇਬਾਜ਼ੀ ਸ਼ੁਰੂ ਕੀਤੀ ਸੀ। ਉਸ ਦੀ ਸਭ ਤੋਂ ਵੱਡੀ ਚੁਣੌਤੀ ਆਪਣੇ ਪੱਟਾਂ ਲਈ ਇੰਨੀ ਤਾਕਤ ਪ੍ਰਾਪਤ ਕਰਨਾ ਹੋਵੇਗੀ ਕਿ ਉਹ 50 ਓਵਰ ਖੇਡ ਸਕੇ ਅਤੇ ਫਿਰ ਉਸ ਦੁਆਰਾ ਬੱਲੇਬਾਜ਼ੀ ਕਰਨ ਦੇ ਤਣਾਅ ਨੂੰ ਵੀ ਝੇਲ ਸਕੇ।
ਕੇਐੱਲ ਰਾਹੁਲ ਭਾਰਤ ਦੇ ਏਸ਼ੀਆ ਕੱਪ ਅਤੇ ਵਿਸ਼ਵ ਕੱਪ ਦੀਆਂ ਯੋਜਨਾਵਾਂ ਵਿੱਚ ਪ੍ਰਮੁੱਖ ਬੱਲੇਬਾਜ਼ ਹੈ। ਟੀ-20 ਅਤੇ ਟੈਸਟ ਵਿੱਚ ਆਪਣੀਆਂ ਘੱਟ ਦੌੜਾਂ ਦੇ ਬਾਵਜੂਦ ਉਹ ਵਨਡੇ ਵਿੱਚ ਭਾਰਤ ਦਾ ਪਹਿਲਾ-ਚੋਣਵਾਂ ਕੀਪਰ-ਬੱਲੇਬਾਜ਼ ਬਣਿਆ ਹੋਇਆ ਹੈ। ਨੰਬਰ 5 ‘ਤੇ ਬੱਲੇਬਾਜ਼ੀ ਕਰਦੇ ਹੋਏ ਉਸ ਦੇ ਨੰਬਰ ਹਾਲ ਦੇ ਸਮੇਂ ‘ਚ ਸਭ ਤੋਂ ਵਧੀਆ ਹਨ। ਜੇਕਰ ਉਹ ਪੂਰੀ ਤਰ੍ਹਾਂ ਫਿੱਟ ਨਹੀਂ ਹੈ ਤਾਂ ਇਹ ਭਾਰਤ ਲਈ ਦੋਹਰਾ ਝਟਕਾ ਹੋਵੇਗਾ ਕਿਉਂਕਿ ਉਨ੍ਹਾਂ ਨੂੰ ਨਾ ਸਿਰਫ਼ ਇੱਕ ਕੀਪਰ ਲੱਭਣਾ ਹੋਵੇਗਾ ਸਗੋਂ ਮੱਧ ਕ੍ਰਮ ਵਿੱਚ ਪ੍ਰਭਾਵਸ਼ਾਲੀ ਬੱਲੇਬਾਜ਼ੀ ਕਰਨ ਵਾਲਾ ਕੋਈ ਮਜਬੂਤ ਖਿਡਾਰੀ ਵੀ ਲੱਭਣਾ ਪਵੇਗਾ।
ਸ਼੍ਰੇਅਸ ਅਈਅਰ ਦਾ ਮਾਮਲਾ ਕੁਝ ਜ਼ਿਆਦਾ ਹੀ ਚਿੰਤਾਜਨਕ ਹੈ। ਸੱਜੇ ਹੱਥ ਦਾ ਇਹ ਬੱਲੇਬਾਜ਼ ਪਿੱਠ ਦੀ ਸੱਟ ਤੋਂ ਉੱਭਰ ਰਿਹਾ ਹੈ ਜਿਸ ਕਰਕੇ ਉਹ ਆਈ.ਪੀ.ਐਲ 2023 ਤੋਂ ਵੀ ਦੂਰ ਰਿਹਾ। ਜੇਕਰ ਰਿਪੋਰਟਾਂ ਦੀ ਮੰਨੀਏ ਤਾਂ ਉਸਦਾ ਏਸ਼ੀਆ ਕੱਪ ਤੋਂ ਖੁੰਝ ਜਾਣਾ ਲਗਭਗ ਤੈਅ ਹੈ। ਜੇਕਰ ਇਹ ਸੱਚ ਹੈ ਤਾਂ ਉਸ ਕੋਲ ਵਿਸ਼ਵ ਕੱਪ ਤੋਂ ਪਹਿਲਾਂ ਆਪਣੀ ਫਿਟਨੈੱਸ ਸਾਬਤ ਕਰਨ ਲਈ ਆਸਟਰੇਲੀਆ ਖ਼ਿਲਾਫ਼ ਸਿਰਫ਼ ਤਿੰਨ ਮੈਚਾਂ ਦੀ ਘਰੇਲੂ ਲੜੀ ਹੋਵੇਗੀ।