ਸੰਨੀ ਦਿਓਲ ਨੇ ਬਾਰਡਰ ਦੇ ਸੀਕਵਲ ਬਾਰੇ ਇੰਸਟਾਗ੍ਰਾਮ ‘ਤੇ ਸਪੱਸ਼ਟੀਕਰਨ ਦਿੱਤਾ
ਸੰਨੀ ਦਿਓਲ ਦੇ ਬਾਰਡਰ 2 ਵਿੱਚ ਨਜ਼ਰ ਆਉਣ ਬਾਰੇ ਅਫਵਾਹ ਨਿਕਲੀ। ਇਸ ਬਾਰੇ ਅਭਿਨੇਤਾ ਨੇ ਵੀ ਹੁਣ ਕਿਹਾ ਹੈ ਕਿ ਉਸਨੇ ਅਜੇ ਕੋਈ ਨਵੀਂ ਫਿਲਮ ਸਾਈਨ ਨਹੀਂ ਕੀਤੀ ਹੈ। ਉਹ ਵਰਤਮਾਨ ਵਿੱਚ ਗਦਰ 2 ਦੀ ਸਫਲਤਾ ਵਿੱਚ ਖੁਸ਼ ਹੈ, ਜੋ ਕਿ ਭਾਰਤ ਵਿੱਚ ₹350 ਕਰੋੜ ਦਾ ਤੋਂ ਵੱਧ ਦਾ ਮੁਨਾਫ਼ਾ ਕਮਾਉਣ ਜਾ ਰਹੀ ਹੈ। ਭਾਵੇਂ ਕਿ ਸੰਨੀ ਦਿਓਲ ਨੇ ਇਹ ਵੀ ਕਿਹਾ ਕਿ ਉਹ ਜਲਦੀ ਹੀ ਕੁਝ ਵਿਸੇਸ਼ ਐਲਾਨ ਕਰਨਗੇ।
ਬਾਰਡਰ 2 ਬਾਰੇ ਆਨਲਾਈਨ ਅਫਵਾਹਾਂ ਸਾਹਮਣੇ ਆਉਣ ਤੋਂ ਬਾਅਦ ਸੰਨੀ ਦਿਓਲ ਨੇ ਸ਼ਨੀਵਾਰ ਨੂੰ ਇੰਸਟਾਗ੍ਰਾਮ ਸਟੋਰੀਜ਼ ‘ਤੇ ਇਕ ਨੋਟ ਸਾਂਝਾ ਕੀਤਾ। ਇਸ ਵਿੱਚ ਲਿਖਿਆ ਸੀ: “ਮੇਰੇ ਵੱਲੋਂ ਕੁਝ ਫਿਲਮਾਂ ਸਾਈਨ ਕਰਨ ਸਬੰਧੀ ਕੁਝ ਖਬਰਾਂ ਘੁੰਮ ਰਹੀਆਂ ਹਨ, ਮੈਂ ਇਹ ਦੱਸਣਾ ਚਾਹਾਂਗਾ ਕਿ ਫਿਲਹਾਲ ਮੈਂ ਸਿਰਫ ਗਦਰ 2 ‘ਤੇ ਧਿਆਨ ਕੇਂਦਰਿਤ ਕਰ ਰਿਹਾ ਹਾਂ ਅਤੇ ਤੁਹਾਡਾ ਸਭ ਦਾ ਪਿਆਰ ਪ੍ਰਾਪਤ ਕਰ ਰਿਹਾ ਹਾਂ। ਮੈਂ ਅਜੇ ਕੋਈ ਫਿਲਮ ਸਾਈਨ ਨਹੀਂ ਕੀਤੀ ਹੈ ਅਤੇ ਜਲਦੀ ਹੀ ਸਹੀ ਸਮਾਂ ਆਉਣ ’ਤੇ ਕੁਝ ਖਾਸ ਐਲਾਨ ਕਰਾਂਗਾ, ਤਦ ਤੱਕ ਤਾਰਾ ਸਿੰਘ ਅਤੇ ਗਦਰ 2 ‘ਤੇ ਆਪਣੇ ਪਿਆਰ ਦੀ ਵਰਖਾ ਕਰਦੇ ਰਹੋ।”
ਸ਼ਨੀਵਾਰ ਨੂੰ ਪਿੰਕਵਿਲਾ ਦੀ ਰਿਪੋਰਟ ਵਿੱਚ ਇੱਕ ਸਰੋਤ ਦੇ ਹਵਾਲੇ ਨਾਲ ਕਿਹਾ ਗਿਆ ਸੀ ਕਿ ਇੱਕ ਜਬਰਦਸਤ ਐਕਸ਼ਨ ਫਿਲਮ ਹੋਣ ਦੇ ਨਾਤੇ ਬਾਰਡਰ ਦੀ ਟੀਮ ਪੁਰਾਣੇ ਅਦਾਕਾਰਾਂ ਦੀ ਪੂਰੀ ਟੀਮ ਨੂੰ ਇਕੱਠਾ ਕਰਨ ਦੀ ਬਜਾਏ ਨੌਜਵਾਨ ਪੀੜ੍ਹੀ ਦੇ ਅਦਾਕਾਰਾਂ ਨੂੰ ਕਾਸਟ ਕਰੇਗੀ। ਸੰਨੀ ਦਿਓਲ ਸ਼ਾਇਦ ਬਾਰਡਰ ਦੇ ਇਕਲੌਤੇ ਅਭਿਨੇਤਾ ਹੋਣਗੇ ਜੋ ਬਾਰਡਰ 2 ਦਾ ਵੀ ਹਿੱਸਾ ਹੋਣਗੇ। ਇਸ ਸਮੇਂ ਇਹ ਸਭ ਸ਼ੁਰੂਆਤੀ ਪੜਾਵਾਂ ਵਿੱਚ ਹੈ ਅਤੇ ਜਲਦੀ ਹੀ ਫਿਲਮ ਦੀ ਅਧਿਕਾਰਤ ਘੋਸ਼ਣਾ ਹੋਣ ਤੋਂ ਬਾਅਦ ਹੋਰ ਅਪਡੇਟਸ ਸਾਹਮਣੇ ਆਉਣਗੇ।
ਸੂਤਰ ਨੇ ਇਹ ਵੀ ਕਿਹਾ ਸੀ ਕਿ ਫਿਲਮ 2-3 ਸਾਲਾਂ ਤੋਂ ਯੋਜਨਾਬੰਦੀ ਦੇ ਪੜਾਵਾਂ ਵਿੱਚ ਹੈ ਅਤੇ ਇਸ ਬਾਰੇ ਇਸ ਪੰਦਰਵਾੜੇ ਵਿੱਚ ਅਧਿਕਾਰਤ ਘੋਸ਼ਣਾ ਕੀਤੀ ਜਾ ਸਕਦੀ ਹੈ। ਇਸ ਨੂੰ 1971 ਦੀ ਭਾਰਤ-ਪਾਕਿ ਜੰਗ ਵਿੱਚ ’ਤੇ ਅਧਾਰਿਤ ਦੱਸਿਆ ਗਿਆ ਸੀ।
ਗਦਰ 2 ਅਤੇ ਸੰਨੀ ਦਿਓਲ ਦੀਆਂ ਹੋਰ ਫਿਲਮਾਂ ਬਾਰੇ ਜਾਣਕਾਰੀ
ਗਦਰ 2 ਦੀ ਸਫਲਤਾ ਵਾਲੀ ਹਾਲ ਹੀ ਹੋਈ ਪ੍ਰੈਸ ਮੀਟਿੰਗ ਵਿੱਚ ਸੰਨੀ ਨੇ ਕਿਹਾ, “ਮੈਂ ਆਪਣੇ ਸਾਰੇ ਪ੍ਰਸ਼ੰਸਕਾਂ ਨਾਲ ਵਾਅਦਾ ਕਰਦਾ ਹਾਂ ਕਿ ਮੈਂ ਅਜਿਹੀਆਂ ਚੰਗੀਆਂ ਫਿਲਮਾਂ ਹੀ ਬਣਾਵਾਂਗਾ। ਸੰਨੀ ਦੇ ਹੁਣ ਦੋ ਫਿਲਮਾਂ ਬਾਪ ਅਤੇ ਸੂਰਿਆ ਵਿੱਚ ਕੰਮ ਕਰਨ ਬਾਰੇ ਵੀ ਅਫਵਾਹ ਉੱਡੀ ਹੈ।
ਸੰਨੀ ਦਿਓਲ ਦੀ ਗਦਰ 2 ਇਸ ਸਮੇਂ ਭਾਰਤ ਅਤੇ ਹੋਰ ਦੇਸ਼ਾਂ ਦੇ ਸਿਨੇਮਾਘਰਾਂ ‘ਤੇ ਦਬਦਬਾ ਬਣਾ ਰਹੀ ਹੈ। ਇਹ ₹236 ਕਰੋੜ ਦੀ ਕਮਾਈ ਕਰ ਚੁੱਕੀ ਹੈ ਅਤੇ ਇਸਦੇ ₹400 ਕਰੋੜ ਦੇ ਅੰਕੜੇ ਤੱਕ ਪਹੁੰਚਣ ਦੀ ਉਮੀਦ ਹੈ। ਅਮੀਸ਼ਾ ਪਟੇਲ, ਉਤਕਰਸ਼ ਸ਼ਰਮਾ, ਮਨੀਸ਼ ਵਧਵਾ, ਗੌਰਵ ਚੋਪੜਾ, ਰਾਕੇਸ਼ ਬੇਦੀ ਅਤੇ ਹੋਰ ਅਭਿਨੇਤਾਵਾਂ ਵਾਲੀ ਇਸ ਫਿਲਮ ਦਾ ਨਿਰਦੇਸ਼ਨ ਅਨਿਲ ਸ਼ਰਮਾ ਨੇ ਕੀਤਾ ਹੈ।